Mae Academi+ Skillset yn chwilio am Lysgenhadon i’n helpu ni i ddatblygu. Dyma gyfle unigryw i chi ehangu eich rhwydweithiau ac i ddangos eich talent i aelodau o’r diwydiant proffesiynol. Os ydych chi wedi cwblhau cwrs gydag Academi+ Skillset ac yn ddweud wrth bobl greadigol eraill sut y gallan nhw hefyd fanteisio ar ein hyfforddiant, gadewch i ni wybod! Yn gyfnewid, fe gewch chi cyfle i hyrwyddo eich busnes ar ein gwefan trwy gyfrwng astudiaethau achos ac fe gewch chi wahoddiadau hefyd i ddigwyddiadau a dosbarthiadau meistr Academi+ Skillset ac Academi Gyfryngol Skillset.
 
Hoffech chi wneud cais i gael arddangos eich gwaith yng ngŵyl Cynllunio Llwyfan y Byd 2013, i’w gynnal yng Ngholeg Brenhinol Cerdd a Drama Cymru ar y 5ed o Fedi?
Cyflwynwch eich ceisiadau erbyn y 15fed o Fawrth – i gael mwy o wybodaeth ewch i: http://www.creative-choices.co.uk/jobs-opportunities/details/4179

Straeon am Lwyddiant
Diolch yn fawr iawn i bawb sy’n cymryd rhan yn ein cyfres o Straeon am Lwyddiant – mae hwn yn gyfle gwych i chi arddangos eich gwaith a’ch talent yng Nghymru. Bydd y straeon ar gael yn fuan ar ffurf ffilmiau byrion ar ein gwefan.

Mae Creative Skillset Cymru wedi lansio ei GRONFA TALENT DDIGIDOL! – i gefnogi eich anghenion hyfforddiant at y diben.

Beth yw’r Gronfa Talent Ddigidol?
Nod Gronfa Talent Ddigidol Creative Skillset Cymru yw cynnig cefnogaeth i gwmnïau i fynd i’r afael ag anghenion hyfforddiant at y diben gyda ffocws arbennig ar ddatblygu sgiliau sy’n gysylltiedig â chreu cynnyrch a gwasanaethau newydd y gellir eu hecsbloetio ar draws llwyfannau digidol lluosog ac mewn marchnadoedd rhyngwladol. Er enghraifft, gallai fod angen ar gwmni gyrchu sgiliau penodol yn gyflym, penodi arbenigwr yn y maes am gyfnod tymor byr prosiect, cynyddu sgiliau staff sy’n gweithio ar gynhyrchiad newydd neu anfon staff presennol ar hyfforddiant penodol.

Faint o gymorth sydd ar gael?
Mae cwmnïau wedi’u cyfyngu i wneud cais am ddyfarniad o £10,000, ac mae’n rhaid i’r cwmni sy’n cyflwyno’r cais ddarparu arian parod o 25% i gefnogi cost y prosiect/rhaglen. Mewn amgylchiadau eithriadol iawn gellid cynyddu’r uchafswm dyfarniad.

A ydych yn gymwys?
Rhaid i gwmnïau fod wedi’u lleoli yn neu’n cyflogi pobl sy’n byw yng Ngorllewin Cymru, y Cymoedd neu Ogledd Orllewin Cymru. I weld y canllawiau cymhwysedd cliciwch fan hyn.

Sut i wneud cais
Mae’n rhaid i gwmnïau cymwys gwblhau a chyflwyno ffurflen gais ynghyd â thystiolaeth ddogfennol gefnogi i ddangos eu cymhwysedd drwy e-bost i Weinyddydd Prosiect Creative Skillset Cymru yn nerysr@creativeskillset.org erbyn  12.00 canol dydd ar ddydd Llun 12 Tachwedd 2012.  NI fydd ceisiadau a dderbynnir ar ôl yr amser/dyddiad hwn yn cael eu derbyn. Am gopi o’r ffurflen gais  cliciwch fan hyn.

Gwybodaeth pellach
Os oes angen mwy o wybodaeth arnoch ar y Gronfa Talent Ddigidol yn cynnwys manylion y broses ymgeisio ewch i wefan Creative Skillset Cymru yn http://www.creativeskillset.org/uk/cymru/digital_economy/index_2.asp neu cysylltwch â Jane Davies, Cydlynydd Prosiect yn Creative Skillset Cymru ar 02920 459154 neu e-bost janed@creativeskillset.org

Mae’r gweithgaredd hwn yn cael ei gynnal fel rhan o Raglen Sgiliau ar gyfer yr Economi Ddigidol £4.5m Creative Skillset Cymru. Cefnogir y Rhaglen gan £2.7m o Gronfa Gymdeithasol Ewrop drwy Lywodraeth Cymru, gyda gweddill yr arian yn cael ei ddarparu gan y darlledwr Cymraeg S4C, y gymdeithas fasnach i gynhyrchwyr ffilm a theledu annibynnol yng Nghymru, Teledwyr Annibynnol Cymru (TAC) a Creative Skillset Cymru.